Ullılardıń muhabbat xatları.

Ullılardıń muhabbat xatları.

Qolınızǵa qálem alıp, súyiklińizge xat jazıw haqqında oylap kórdiniz be? Yamasa búgingi sociallıq tarmaqlar háwij alǵan zamanda bunday etiw orınsız dep oylaysız ba? Bálkim, haqıyqatında da bul haqqında oylamaǵan shıǵarsız. Óz qolıńız benen jazıw internettegi siz hám biz paydalanatuǵın qısqa xabarlardan pútkilley basqasha tásir qaldıradı. Isenbeseńiz, tekserip kóriń.

Mısal retinde ullı shaxslardıń súyiklisine jazgan xatların keltiremiz.

Lev Tolstoy – Sofya Bernc.

1862 jıl, 16 сентябрь.

Sofya Andreevna, menin shıdamım tawsıldı! Onnan da bárin aytıp bereyin: úsh hápteden berli men onıń dárti, qayǵısı, ókinishi hám baxıtı bolaman dep oylaǵan edim. Hár kúni nege aytpadım yamasa qalay aytar edim, dep tınıshsızlanaman. Bul xattı sizge tapsırıw ushın qolıma qálem aldım. Bunı beriwge júrek ete alaman ba, joq pa, bilmeymen… Shańaraǵıńızdıń isenimsiz kóz-qarasına qaraǵanda, men sińlińiz Lizaǵa ashıq ekenmen. Bul júdá ádalacızlıq! Siziń gúrrińińiz miyime ornalasıp qalǵan. Hár saparı onı oqıǵanda, muhabbatqa bolǵan ájayıp poeziyalıq talabıńız meni tań qaldıradı. Siz kimdi jaqsı kórseńiz, men sizdi qızǵanbayman, qızǵanǵanım da joq. Sizdi kórgende tap náresteni kórgendey quwandım.

Haqıyqatgóy adam sıpatında aytıńshı, maǵan turmısqa shıǵıwdı qáleysiz be? Ózińizden jaqsılap sorań. Barlıq kewlińiz benen “awa” dep ayta alasız ba? Eger sizde zárre gúman bolsa, “joq” dep aytıń. Álbette, maǵan “joq” degen juwaptı esitiw qıyın, biraq men buǵan shıdaw ushın kúsh tabaman. Biraq men qalayınsha súygenime ómirlik joldas bola almayman?! Bul júdá qorqınıshlı…

Onere de Balzak – Evelina Ganskaya.

Men basımdı sizin ayaklarıńızdıń astına qoyıp, kıyallar teńizine súńgip, óz kıyallarımnan ráxátleniwdi, al geyde hesh nárse demesten, láblerimdi kóylegińizge tiygiziwdi qáler edim. O, meniń muhabbatım Evam, ómirimniń quwanıshı, qarańǵı túndegi jaqtılıǵım, úmitim, súyiklim, biybaha altınım! Sizdi qashan kóremen?! Men sizdi kórdim be, túsim be, túsim be?! Qudayım, bilseńiz edi, men siziń aksentińizdi qanshelli jaqsı kóremen! Perishtem, sonı aytıwǵa ruxsat etiń: siziń jumsaq erinlerińiz júdá názik.

Dekabr ayınıń eki háptesin siz benen birge ótkeriw ushın kúni-túni jumıs isleymen. Jol-jónekey appaq qarlı Yura tawın kóremen, kóremen hám siziń appaq jawırnıńızdı oylayman. O, shashlarıńızdıń xosh iyisin iyiskelew, denenizdi bawırıma basıw, bulardıń barlıǵı meni tolqıtadı hám ilhamlandıradı! Doslarım meniń háreketlerime hayran qalıp qaraydı. O, qánekey olar hár qanday adamnıń haqıyqıy sezimleri barlıq qıyınshılıqlarǵa shıdam bere alatuǵının bilse edi!Meniń perishtem, tek bir mártebe súydim, tek bir mártebe áste súydim. Qayırlı tún!

Aleksandr Pushkin – Natalya Goncharova.

1830 jıl, mart ayı.

Búgin sizdi birinshi márte kórgenime bir jıl toldı. Hár saparı sizdi kórgenimde, tek sizdi súyiw ushın jaratılǵanıma isenim payda etemen. Sizden uzaqta bolǵanımda meni ele lázzetin tatpaǵan baxıtım kútip turǵanday seziledi. Bálkim, erte me-kesh pe men hámmesin taslap, siziń ayaǵıńızǵa jıǵılıwıma tuwra keler. Sol kúnniń mánisi: bir qısım topıraqqa mútáj bolǵan kimdur meni qayǵı-ǵamnan qutqarıp, quwandıradı. Sonda men siziń sharbaǵıńızda seyil etiwim, sizdi kútip alıwım, siz benen birge júriwim múmkin…

Napoleon Bonapart – Jozefina Bogarne

Seni qushaqlamagan kúnim de, qushaqlamagan túnim de bolmagan. Janım, sennen qashıratuǵın menmenlik hám tákabbırlıq payda etpew ushın men shay da ishpeymen. Jumısta da, sap tartqan áskerler aldında da, lagerlerdi kózden ótkerip atırǵanımda da júregim Jozefina ushın soǵıp atırǵanın sezemen. Ol meni aqıldan azdırıp, miyimdi oyran etedi.

Eger men sennen qashıqlassam, taǵı tezirek kóriwge umtılaman. Eger men yarım túnde tursam hám jumısqa barsam, bul seniń qaytıw waqtıń jaqınlasıp atırǵanınıń belgisi. 23 shi hám 26-jazıwlarıńda sen maǵan “siz” dep jazǵansań. Qalayınsha usınday jazıwǵa batılıń bardı?! Qanday suwıq sóz!

Jozefina! Jozefina! Esinde me, men saǵan: “Meni kúshli hám bekkem bolıwǵa tábiyat úyretti, al seni hawadan jarattı,” degen edim! Ómirimniń mánisi, meni keshir! Saǵan bolǵan júregim qorqınısh hám qayǵı menen tolı. Bul haqqında oylasam, júregim jarılıp ketedi. Meni atım menen atamasańız meni qapa etedi. Meniń atımdı tilge alıwıńızdı kútemen. Xosh! Eger sen meni jek kóretuǵın bolsań, demek, sen meni hesh qashan súymegenseń! Men de bunnan pushayman bolaman…

(Maǵlıwmatlar internet materialları jórdeminde tayarlandı hám awdarmalandı.)

Foto: adme.ru.