Qaratereń

Qaratereń – eni 5-6 kilometr, uzınlıǵı 26 kilometrge deyin sozılǵan kól.

Bórshi tawınıń basınan qaraǵanda túbi qap-qara, tereń bolıp kóringenlikten qara tereń dep atalǵan. Burınǵı waqıtları Ámiwdárya hám Sırdáryanıń salaları Qaratereńge quyıp turǵan. Kól balıq awlaw hám sharwashılıq ushın qolaylı dem alıwǵa payızlı orınlardan esaplanadı. Sonlıqtan bunnan 35-40 jıl ilgeri kól átirapında balalardıń dem alıw legeri qurılıp, kóp balalarımız kewilli dem alǵan bolsa, búgingi kúni Mámleketimiz basshısınıń baslaması menen búgingi kúnde Aralboyında keń kólemli reformalar ámelge asırılmaqta. Taxtakópir rayonındaǵı Qarateren kóli jaǵasında da usı reformalardıń nátiyjesinde zamanagóy dem alıw ornı boy tikledi. 

Kól átirapın abadanlastırıw jumısları baslanǵanına ele kóp waqıt bolǵan joq. Bul jerler qarawsız shól maydanı edi. Qısqa waqıt ishinde islengen jumıslar, ózgerislerdi kórip, kózińiz quwanadı.

Gózzal tábiyatı hám tatlı balıǵı menen áemnen belgili bolǵan bul kól átirapında búgin iri ilajlar ótkeriw ushın mólsherlengen bir neshe zamanagóy qara úyler qurıldı. Keleshekte Qarateren kóli jaǵası iri forumlar, xalıqaralıq ánjumanlar ótkeriw mánziline aylanadı.

Qaratereń etno-turistlik kompleksi, baza, dem alıw úyi, Qaraqalpaqstan Respublikası, Taxtakópir rayonı

Maǵlıwmat Taxtakópir táriypi kitabı hám internet materialları járdeminde tayarlandı.