Kitapxanalar haqqında 5 qızıqlı fakt

Kitapxanalar haqqında 5 qızıqlı fakt

Kitapxanalar haqqında 5 qızıqlı fakt

Eń áyyemgi kitapxana Mısırdıń Sinay yarım atawındaǵı Áwliye Ekaterina monastrında jaylasqan. Ol VI ásirdiń ortalarında qurılgan bolıp, diniy materiallar toplamı boyınsha dúnyada ekinshi orında turadı (Vatikannan keyin). Ol keń jámiyetshilik ushın jabıq bolıp, ondaǵı kitaplardı tek monaxlar hám mirát etilgen studentler alıwı múmkin.

Dúnyadagi en úlken kitapxana AQSh Kongress kitapxanası bolıp, ol shama menen 828 mil kitap tekshelerinde 158 million atamanı óz ishine aladı. Kitapxana fondında 36 millionnan aslam kitap hám basqa da baspa materiallar, 3,5 million jazıw, 13,7 million fotosúwret, 5,5 million karta, 6,7 million nota qaǵazı hám 69 million qoljazba bar.

Dúnyadaǵı eń kishi kitapxanalar Nyu-York kóshelerinde payda boldı – olarda tek bir oqıwshı ushın orın bar. Bir gana sap-sarı imaratta 40 kitap saqlanadı. Olardıń maqseti – qala xalqına megapolistegi qızǵın turmıstan dem alıwǵa járdem beriw, jaqsı gúrrińlerdi biypul oqıw imkaniyatın beriw. Kishi erkin kitapxana bir neshe innovaciyalıq arxitektorlar tárepinen kitaplardı hawa-rayınan qorǵaw ushın qayta islengen materiallardan paydalanǵan halda islep shıǵılǵan.

Ginnestiń rekordlar kitabına muwapıq, dúnyadaǵı eń biyik kitapxana Shanxaydaǵı (Qıtay) JW Marriott miymanxanasınıń 60-qabatında jaylasqan. Ol kósheden 231 metr biyiklikte jaylasqan. Ádettegi emes kitapxanaģa tek miymanxana klientleri barıwı múmkin. Rekordlar kitapxanasında abonementler joq – olardıń ornına klientler óz bólmeleriniń magnit kartalarınan paydalanadı. Kitap tekshelerinde 2 mıńnan aslam ingliz hám qıtay tilindegi kitaplar bar.

Britaniyanıń The British Workman aylıq jurnalına muwapıq, birinshi kóshpeli kitapxana 1857-jılı payda bolǵan. Bul waqıtta ol Kembriyadagi segiz awıldı aralap júretuǵın edi. Viktoriyalı sawdager hám qayırqom Jorj Mur “awıl xalqı arasında jaqsı ádebiyatlardı tarqatıw” maqsetinde joybar jarattı. 1858-jılı shólkemlestirilgen Warrington dóńgelekli kitapxanası Britaniyanıń jáne bir dáslepki kóshpeli kitapxanası boldı.