01Jul-2025
Bórshitaw
Bórshitaw
Taxtakópir rayonınıń Dáwqara aymaǵındaǵı Qaratereń kóli jaǵasındaǵı sozılıp jatırǵan taw – Beltaw adamnıń bel omırtqası sızyaqlı búgilip tursa, báhár bolıwı menen ondaǵı ósimlikler bórtip, búrshiklep, kók lipasqa bóleniwinen Bórshi tawı ataǵın alǵan qusaydı. Bórshi tawı, onıń atamasınıń kelip shıǵıwı tuwralı hár qıylı ápsanalar bar. Bórshi awlawshı – bórishiden kelip shıqqan degen de boljaw keltiriledi. Usı taw ústinen kárwan jolı ótip, Xorezm menen Shıǵıs Evropanı baylanıstırıp turǵan. Xorezmde ósirilgen diyqanshılıq ónimleri, gezlemeler, oq jaylar sırtqa shıǵarılsa, Evropadan qundız, tiyin, suwsar hám basqa ań terileri alıp kelingen.
Bórshitawım
|
Babalardıń qurashınday, Bórshitawım tik turasań, Belindegi qılıshınday, Kóldi sonsha jasırasań. |
||
|
Kók aspannan jawın tilep, Bulttıń jasın tamızasań, Bawrayıńnan jıra tilip, Dushshı kólge aǵızasań. |
||
| Qumdı juwıp aqqan selge,
Qorǵan bolıp qalasań sen, Shań boratqan dawıl, jelge, Qalqan bolıp turasań sen. |
||
| Saqlap qoyǵan sol auwıńdı,
Ay-juldızda júzdireseń, Shóllep kelse kiyik tańda, Súrdew ashıp, suw bereseń. |
||
| Jıl qusların jat kórmeyseń,
Búrkit qusqa jar ǵamlaysań, Suwda jasıl shalań ósse, Jayın shıqsa tań qalmaysań. |
||
| Belińdegi belbewińdey,
Tolqınlanǵan Qaratereń, Bir tuwılǵan egizińdey, Saw bol Bórshim, Qaratereń! (Jumaniyaz Óteniyazov) |
Maǵlıwmat “Taxtakópir táriypi” kitabınan alındı.